Nahia Programa

DYA Gipuzkoak Bizitzaren amaiera fasean zaintza paliatiboak jasotzen ari diren gaixoei zuzendutako proiektu berri bat jarri du martxan: Nahia programa.

Helburua pertsona hauek betetzeke duten desioa bete ahal izan dezaten ahalbidetzea da. Modu berezian gozatu nahiko luketen hura. Aukera sortak interesa duten pertsonen nahiak bezain zabalak dira, eta izan daitezke, adibide batzuk jartzearren: Arantzazu Santutegira joatea, Hondarribiko hondartza zapaltzea, pertsona maite bat bisitatzea, Realaren edo Eibarraren partido batean egotea, edo Igeldo Mendira igotzea.

Honetarako, baliabide teknikoak eta bereziki egokitutako ibilgailuak ditu Elkarteak, bai eta pertsona guzti hauek berme osoz zaintzeko espreski prestatutako boluntarioak ere.

DYA Gipuzkoak Mugarik gabeko Paliatiboen elkartearen laguntza ere badu, zeini bere zerbitzuak eskaini dizkion, eta zeinekin harreman estua duen bai Autonomia Erkidegoan bai Estatu mailan aitzindaria den programa berritzaile hau egi bihurtzeko,

Gainera, DYA Gipuzkoaren zerbitzu berri honek ez du diru asmorik, doakoa da. Esperientzia hau trantze zail honetan dauden gaixoentzat zein familientzat maitasun, gertutasun eta solidaritate bultzada bat izatea nahi dugu soilik.

Informazio zabalagoa lortzeko nahikoa da eguneko edozein momentutan 943 46 46 22 telefonora hots egitea.

web-nahia web-nahia2